പെരുഞ്ചീരകത്തിന്റെ ഗുണങ്ങൾ

നിരവധി ആരോഗ്യ ഗുണങ്ങൾ അടങ്ങിയ ഒന്നാണ് പെരുഞ്ചീരകം. ദിവസവും ഇത് കഴിക്കുന്നതിന്റെ ആരോഗ്യ ഗുണങ്ങൾ എന്തൊക്കെയാണെന്ന് അറിയാം.

പെരുഞ്ചീരകം കഴിക്കുന്നത് ബ്ലഡ് പ്രഷർ നിയന്ത്രിക്കാൻ സഹായിക്കുന്നു. ഇത് വെള്ളത്തിലിട്ട് തിളപ്പിച്ചും അല്ലാതെയും കഴിക്കാവുന്നതാണ്.

ശരീരകലകളിൽ ദ്രാവകം അമിതമായി അടിഞ്ഞുകൂടി കൈകൾ, കാലുകൾ, പാദങ്ങൾ, വയർ, മുഖം എന്നിവയിൽ വീക്കം ഉണ്ടാകുന്ന അവസ്ഥയാണ് വാട്ടർ റിറ്റെൻഷൻ. പെരുഞ്ചീരകം കഴിക്കുന്നത് ഇത് തടയാൻ സഹായിക്കുന്നു.

വയറ് വീർക്കൽ, മലബന്ധം, ദഹന പ്രശ്നങ്ങൾ എന്നിവ അകറ്റാൻ പെരുഞ്ചീരകം കഴിക്കുന്നത് നല്ലതാണ്.

ബ്രോങ്കൈറ്റിസ്, വിട്ടുമാറാത്തതും വരണ്ടതുമായ ചുമ എന്നിവ അകറ്റാൻ പെരുഞ്ചീരകം നല്ലതാണ്. വെള്ളത്തിലിട്ട് തിളപ്പിച്ചും അല്ലാതെയും ഇത് കഴിക്കാവുന്നതാണ്.

കഠിനമായ ആർത്തവ വേദന കുറയ്ക്കാനും പെരുഞ്ചീരകം കഴിക്കുന്നത് നല്ലതാണ്. ഇത് ചായയിലിട്ടും വെള്ളത്തിലിട്ട് തിളപ്പിച്ചും കുടിക്കാവുന്നതാണ്.

പെരുഞ്ചീരകത്തിൽ ഉയർന്ന അളവിൽ സെലീനിയം അടങ്ങിയിട്ടുണ്ട്. ഇത് കരളിന്റെ ആരോഗ്യത്തെ പിന്തുണയ്ക്കുന്നു.

പെരുഞ്ചീരകത്തിൽ സിങ്കും, കാത്സ്യവും, സെലീനിയവും അടങ്ങിയിട്ടുണ്ട്. ദിവസവും ഇത് കഴിക്കുന്നത് മുഖത്തെ പാടുകൾ അകറ്റാൻ സഹായിക്കുന്നു.