നെഞ്ചെരിച്ചിൽ തടയാം

ഭക്ഷണം കഴിച്ചതിന് ശേഷം സ്ഥിരമായി നെഞ്ചെരിച്ചിൽ അനുഭവപ്പെടാറുണ്ടോ. എങ്കിൽ ഈ ഭക്ഷണങ്ങൾ കഴിക്കൂ.

ചീര പോലുള്ള ഇലക്കറികളിൽ ധാരാളം പോഷകങ്ങൾ അടങ്ങിയിട്ടുണ്ട്. കൂടാതെ ഇതിൽ അസിഡിറ്റിയും വളരെ കുറവാണ്. ഇത് കഴിക്കുന്നത് നെഞ്ചെരിച്ചിൽ പോലുള്ള പ്രശ്നങ്ങളെ അകറ്റാൻ സഹായിക്കുന്നു.

കൊഴുപ്പ് കുറഞ്ഞ തൈരിൽ ധാരാളം പ്രോട്ടീനും പ്രോബയോട്ടിക്സും അടങ്ങിയിട്ടുണ്ട്. ഇത് കഴിക്കുന്നത് നിങ്ങൾക്ക് നല്ല ദഹനം ലഭിക്കാൻ സഹായിക്കുന്നു.

മറ്റുള്ള പഴങ്ങളെപോലെയല്ല വാഴപ്പഴം. ഇതിൽ അസിഡിറ്റി വളരെ കുറവാണ്. നെഞ്ചെരിച്ചിൽ തടയാൻ ഇത് കഴിക്കുന്നത് നല്ലതാണ്.

ഭക്ഷണം കഴിച്ചതിന് ശേഷം വയറിന് ബുദ്ധിമുട്ടുകൾ അനുഭവപ്പെടുന്നുണ്ടെങ്കിൽ ഇഞ്ചി കഴിക്കാം. ഇഞ്ചി ചായ ആയും വെള്ളത്തിലിട്ട് തിളപ്പിച്ചും കുടിക്കാവുന്നതാണ്.

മധുരക്കിഴങ്ങിൽ അസിഡിറ്റി വളരെ കുറവാണ്. അതിനാൽ നല്ല ദഹനം ലഭിക്കാനും നെഞ്ചെരിച്ചിൽ തടയാനും ഇത് കഴിക്കുന്നത് നല്ലതാണ്.

ഓട്മീൽ, തവിട് കളയാത്ത ധാന്യങ്ങൾ എന്നിവയിൽ ധാരാളം ഫൈബർ അടങ്ങിയിട്ടുണ്ട്. ഇത് കഴിക്കുന്നത് നെഞ്ചെരിച്ചിൽ തടയാൻ സഹായിക്കും.

ബ്രൗൺ റൈസിൽ ധാരാളം ഫൈബർ അടങ്ങിയിട്ടുണ്ട്. ഇത് നിങ്ങളുടെ ദഹനം മെച്ചപ്പെടുത്താൻ സഹായിക്കുന്നു.