ദിവസവും രണ്ട് ഈന്തപ്പഴം കഴിക്കുന്നത് പതിവാക്കൂ, കാരണം

നാരുകൾ, ആന്റിഓക്‌സിഡന്റുകൾ, പൊട്ടാസ്യം, മഗ്നീഷ്യം തുടങ്ങിയ അവശ്യ ധാതുക്കൾ എന്നിവയാൽ സമ്പുഷ്ടമായ ഈന്തപ്പഴം മൊത്തത്തിലുള്ള ആരോ​ഗ്യത്തിന് നല്ലതാണ്.

ഉയർന്ന നാരുകളുടെ അളവ് മലബന്ധം അകറ്റാൻ സഹായിക്കുകയും പതിവ് മലവിസർജ്ജനം ഉറപ്പാക്കുകയും ചെയ്യുന്നു.

ഫ്ലേവനോയ്ഡുകൾ, കരോട്ടിനോയിഡുകൾ, ഫിനോളിക് ആസിഡ് എന്നിവ ഈന്തപ്പഴത്തിൽ അടങ്ങിയിട്ടുണ്ട്. ഇത്, ക്യാൻസർ, ഹൃദ്രോഗം എന്നിവയിൽ നിന്ന് സംരക്ഷിക്കുന്നു.

എൽഡിഎൽ (മോശം) കൊളസ്ട്രോൾ, ട്രൈഗ്ലിസറൈഡുകൾ എന്നിവ കുറയ്ക്കാൻ സഹായിക്കുകയും ഹൃദയാരോഗ്യം പ്രോത്സാഹിപ്പിക്കുകയും ചെയ്യുന്നു.

കാൽസ്യം, ഫോസ്ഫറസ്, മഗ്നീഷ്യം എന്നിവ അടങ്ങിയിരിക്കുന്നതിനാൽ അസ്ഥികളുടെ സാന്ദ്രത വർദ്ധിപ്പിക്കുകയും ഓസ്റ്റിയോപൊറോസിസ് സാധ്യത കുറയ്ക്കുകയും ചെയ്യുന്നു.

വിറ്റാമിൻ സി, ഡി എന്നിവയാൽ സമ്പന്നമായ ഈന്തപ്പഴം അണുബാധകളെ ചെറുക്കാൻ സഹായിക്കുന്നു.

ഈന്തപ്പഴം പ്രകൃതിദത്തവും ഇരുമ്പ് സമ്പുഷ്ടവുമായ ഒരു മികച്ച ഭക്ഷണമാണ്. 100 ഗ്രാം ഈന്തപ്പഴത്തിൽ ഏകദേശം 0.3–10.4 മില്ലിഗ്രാം ഇരുമ്പ് അടങ്ങിയിരിക്കുന്നു.

ഈന്തപ്പഴം കഴിക്കുന്നത് ഓർമ്മശക്തി, ശ്രദ്ധ എന്നിവ വർദ്ധിപ്പിക്കുമെന്നും അൽഷിമേഴ്‌സ് പോലുള്ള ന്യൂറോഡീജനറേറ്റീവ് രോഗങ്ങളുടെ സാധ്യത കുറയ്ക്കുമെന്നും ഗവേഷണങ്ങൾ സൂചിപ്പിക്കുന്നു.