വൻകുടൽ ക്യാൻസർ സാധ്യത കുറയ്ക്കുന്നതിന് സഹായിക്കുന്ന മൂന്ന് പച്ചക്കറികൾ

വൻകുടലിൽ ആരംഭിക്കുന്ന ഒരു തരം ക്യാൻസറാണ് വൻകുടൽ ക്യാൻസർ. സാധാരണയായി പോളിപ്‌സ് എന്നറിയപ്പെടുന്ന ചെറിയ ക്യാൻസർ അല്ലാത്ത കോശങ്ങളുടെ കൂട്ടങ്ങളായി അവ ആരംഭിക്കുന്നു. കാലക്രമേണ, ഈ പോളിപ്‌സുകളിൽ ചിലത് ക്യാൻസറായി മാറിയേക്കാം. അവ പലപ്പോഴും സാവധാനത്തിൽ വികസിക്കുകയും തുടക്കത്തിൽ ലക്ഷണങ്ങളൊന്നും കാണിക്കാതിരിക്കുകയും ചെയ്യും.

ശ്വാസകോശം, സ്തന, മസ്തിഷ്ക അർബുദങ്ങൾ മൂലമുള്ള മരണങ്ങൾ കുറയുമ്പോൾ വൻകുടൽ ക്യാൻസർ വർദ്ധിച്ചു കൊണ്ടിരിക്കുകയാണ്. മലവിസർജ്ജനത്തിലെ ചില മാറ്റങ്ങൾ വൻകുടൽ ക്യാൻസറിന്റെ ചില ലക്ഷണങ്ങളാണെന്ന് ആരോ​ഗ്യ വിദ​ഗ്ധർ പറയുന്നു.

വൻകുടൽ ക്യാൻസർ സാധ്യത കുറയ്ക്കുന്നതിന് ഭക്ഷണങ്ങൾ പ്രധാന പങ്കാണ് വഹിക്കുന്നത്. നിങ്ങളുടെ ഡയറ്റിൽ ബ്രോക്കോളി, കോളിഫ്ലവർ, ക്യാബേജ് എന്നിവ ഉൾപ്പെടുത്തുന്നത് വൻകുടൽ ക്യാൻസർ സാധ്യത കുറയ്ക്കും.

ഏകദേശം ½ കപ്പ് ബ്രോക്കോളി അല്ലെങ്കിൽ കോളിഫ്ളവർ വൻകുടൽ ക്യാൻസർ വരാനുള്ള സാധ്യത ഏകദേശം 20 ശതമാനം കുറയ്ക്കുമെന്ന് പഠനങ്ങൾ പറയുന്നു. നാരുകൾ അടങ്ങിയ ഭക്ഷണക്രമം വൻകുടൽ ക്യാൻസറിനുള്ള സാധ്യത കുറയ്ക്കാൻ സഹായിക്കുമെന്ന് വിവിധ പഠനങ്ങൾ പറയുന്നു.

ബ്രോക്കോളിയിൽ, പ്രത്യേകിച്ച്, സൾഫോറാഫെയ്ൻ എന്ന ഫൈറ്റോകെമിക്കലിന്റെ ഉയർന്ന അളവ് അടങ്ങിയിട്ടുണ്ട്. ഇത് പ്രോസ്റ്റേറ്റ് കാൻസർ, സ്തനാർബുദം, വൻകുടൽ കാൻസർ, ഓറൽ കാൻസർ എന്നിവയുടെ അപകടസാധ്യത കുറയ്ക്കുന്നതുമായി ബന്ധപ്പെട്ടിരിക്കുന്ന ഒരു ക്യാൻസറിനെ പ്രതിരോധിക്കുന്ന സസ്യ സംയുക്തമാണ്.

ധാരാളമായി നാരുകൾ അടങ്ങിയ ക്യാബേജ് വിവിധ ക്യാൻസർ സാധ്യത കുറയ്ക്കുന്നു. കൂടാതെ, അവയിൽ വിവിധ ആന്റിഓക്സിന്റുകളും അടങ്ങിയിട്ടുണ്ട്.

കോളിഫ്ളവറിൽ ക്യാൻസർ സാധ്യത കുറയ്ക്കാൻ സഹായിക്കുന്ന സംയുക്തങ്ങൾ അടങ്ങിയിട്ടുണ്ട്. ക്യാൻസർ വളർച്ച മന്ദഗതിയിലാക്കൽ, ഹൃദ്രോഗത്തിൽ നിന്ന് സംരക്ഷിക്കൽ എന്നിവയ്ക്കെല്ലാം കോളിഫ്ളവർ സഹായകമാണ്.