പ്രവാസി ലോകം: ഗൾഫ് വാർത്തകളും പ്രവാസി ജീവിതവും

കുവൈത്ത് സിറ്റിയിലെ ചരിത്രപ്രസിദ്ധമായ അൽ മുബാറക്കിയ മാർക്കറ്റിലുള്ള 'വിമൻസ് മാർക്കറ്റ്' രാജ്യത്തെ പഴക്കമേറിയ ഒരു പരമ്പരാഗത വിപണിയാണ്. ഇരുപതാം നൂറ്റാണ്ടിന്റെ മധ്യത്തിൽ കുവൈത്തി വനിതകൾക്ക് സാമ്പത്തിക സ്വാശ്രയത്വം നൽകാനായി ആരംഭിച്ച ഈ ചന്ത, ഇന്നും രാജ്യത്തിന്റെ സാംസ്കാരിക പ്രതീകമായി നിലകൊള്ളുന്നു.

കുവൈത്തിൽ പത്തു വർഷത്തോളം ജോലിക്ക് ഹാജരാകാതെ ശമ്പളം കൈപ്പറ്റിയ സിവിൽ സർവീസ് ഉദ്യോഗസ്ഥയ്ക്ക് കോടതി അഞ്ചു വർഷം കഠിനതടവും പിഴയും വിധിച്ചു. പൊതുമുതൽ ദുരുപയോഗം ചെയ്ത കേസിൽ, ഏകദേശം 1,10,000 ദിനാർ നിയമവിരുദ്ധമായി കൈപ്പറ്റിയതിനാണ് ശിക്ഷ. കഠിനതടവിന് പുറമെ 3,30,000 ദിനാർ പിഴയൊടുക്കാനും കോടതി ഉത്തരവിട്ടു.

പ്രവാസി മലയാളി ദോഹയിൽ നിര്യാതനായി. ഏറെ കാലമായി ഖത്തർ പ്രവാസിയും ടി.ഡബ്ല്യൂ.എ ഖത്തർ സ്ഥാപക അംഗഗവും നിലവിലെ എക്സിക്യൂട്ടീവ് അംഗവുമായ തലശ്ശേരി ചിറക്കര സുമയ്യ വില്ലയിൽ സിറാജ് ബാബു ചീരായി (60 വയസ്സ്) ആണ് മരിച്ചത്.

 ഗൾഫ് എന്നാൽ മലയാളിയുടെ നിലനില്‍പ്പാണ്; നാല്‍പ്പത് ദിവസം നീണ്ട സംഘര്‍ഷങ്ങള്‍ക്ക് ശേഷമുള്ള വെടിനിര്‍ത്തലിനെ മലയാളി എങ്ങനെ കാണുന്നു?

മുൻ ജീവനക്കാരുടെ യാത്രാ ആനുകൂല്യങ്ങൾ സംബന്ധിച്ച കോടതി വിധിയെക്കുറിച്ചുള്ള സോഷ്യൽ മീഡിയ വാർത്തകൾ കുവൈത്ത് എയർവേയ്‌സ് നിഷേധിച്ചു. നിലവിലുള്ളത് പ്രാഥമിക വിധി മാത്രമാണെന്നും അന്തിമമല്ലെന്നും കമ്പനി വ്യക്തമാക്കി. വ്യക്തിപരമായ നേട്ടങ്ങൾക്കായി ചിലർ അപൂർണ്ണമായ വിവരങ്ങൾ പ്രചരിപ്പിക്കുകയാണെന്നും അധികൃതർ ആരോപിച്ചു.

കുവൈത്തിലെ സലൂണുകളിൽ കർശന പരിശോധന. ഉദ്യോഗസ്ഥർ നടത്തിയ പരിശോധനയിൽ കാലാവധി കഴിഞ്ഞ സൗന്ദര്യവസ്തുക്കളും ഷേവിംഗ് ഉൽപ്പന്നങ്ങളും പിടികൂടി. മൂന്ന് സലൂണുകളിൽ നിന്നാണ് കാലാവധി കഴിഞ്ഞ വസ്തുക്കള്‍ പിടിച്ചെടുത്തത്. 

കടബാധ്യതയുള്ള പ്രവാസികൾ രാജ്യം വിടുന്നത് തടയാൻ ബഹ്‌റൈൻ പാർലമെന്‍റ് പുതിയ നിയമ ഭേദഗതികൾ ചർച്ച ചെയ്യുന്നു. യാത്രാവിലക്ക് അനിശ്ചിതമായി നീട്ടാനും, പൊതു ക്രമത്തിന് ഭീഷണിയാകുന്നവരെ നാടുകടത്താനുള്ള അധികാരം സംരക്ഷിക്കാനുമാണ് ഇതിലൂടെ ലക്ഷ്യമിടുന്നത്.  

ഇറാൻ നടത്തിയ മിസൈൽ ആക്രമണങ്ങളുടെ പശ്ചാത്തലത്തിൽ ഇന്ത്യൻ വിദേശകാര്യ മന്ത്രി എസ് ജയശങ്കർ, യുഎഇ ഉപപ്രധാനമന്ത്രി ഷെയ്ഖ് അബ്ദുള്ള ബിൻ സായിദ് അൽ നഹ്യാനുമായി ചർച്ച നടത്തി. മേഖലയിലെ ഇന്ത്യൻ പ്രവാസികളുടെ സുരക്ഷ ഉറപ്പാക്കിയതിന് നന്ദി അറിയിച്ച ജയശങ്കർ, യുഎഇയുടെ പരമാധികാരത്തിന് ഇന്ത്യയുടെ പൂർണ്ണ പിന്തുണ വാഗ്ദാനം ചെയ്തു. 

റിയാദിലെ മയക്കുമരുന്ന് കേസിൽ ഒന്നര വർഷത്തോളം സൗദി ജയിലിൽ കഴിഞ്ഞ അഞ്ച് മലയാളികൾ ഉൾപ്പെടെ ആറ് ഇന്ത്യക്കാരെ കോടതി നിരപരാധികളെന്ന് കണ്ട് വെറുതെവിട്ടു. സാമൂഹിക പ്രവർത്തകരുടെയും സൗദി അഭിഭാഷകയുടെയും നേതൃത്വത്തിൽ നടന്ന നീണ്ട നിയമപോരാട്ടത്തിനൊടുവിലാണ് ഇവർക്ക് നീതി ലഭിച്ചത്.  

ചർച്ച സൗഹൃദ അന്തരീക്ഷത്തിൽ പുരോഗമിക്കുന്നുവെങ്കിലും ശുഭകരമായ വിവരങ്ങൾ ഇതുവരെ ഇല്ലെന്നാണ് ഇറാൻ ഏജൻസികൾ വ്യക്തമാക്കുന്നത്.