ഇൻ്റേൺഷിപ്പിൻ്റെ പേരിൽ വിദ്യാർത്ഥികൾ സാമ്പത്തിക ചൂഷണത്തിന് ഇരയാകുന്നു, വേനൽക്കാലത്ത് ദൂര സ്ഥലങ്ങളിലേക്കുള്ള യാത്ര അടക്കം പ്രതിസന്ധിയാവുന്നു എന്ന് ചൂണ്ടിക്കാട്ടി പരാതി ഉയർന്നിരുന്നു.
കോഴിക്കോട്: ഇൻ്റേൺഷിപ്പ് സ്വന്തം കോളേജിൽ പൂർത്തിയാക്കാമെന്ന ഉത്തരവിറക്കി കാലിക്കറ്റ് സർവകലാശാല വൈസ് ചാൻസലർ. 10 വർഷത്തിലധികം പ്രവർത്തന പരിചയമുള്ള കമ്പനികളിലോ, വിദ്യാർഥി പഠിക്കുന്നതല്ലാത്ത മറ്റു കോളേജുകളിലോ ഇൻ്റേൺഷിപ്പ് പൂർത്തിയാക്കണം എന്നായിരുന്നു നിയമം. എന്നാൽ ഇൻ്റേൺഷിപ്പിൻ്റെ പേരിൽ വിദ്യാർത്ഥികൾ സാമ്പത്തിക ചൂഷണത്തിന് ഇരയാകുന്നു, വേനൽക്കാലത്ത് ദൂര സ്ഥലങ്ങളിലേക്കുള്ള യാത്ര അടക്കം പ്രതിസന്ധിയാവുന്നു എന്ന് ചൂണ്ടിക്കാട്ടി പരാതി ഉയർന്നിരുന്നു. ഇതിന് പിന്നാലെയാണ് വി സി ഉത്തരവ് ഇറക്കിയത്.
