പേപ്പർലെസ് ആധാറിന് നൂറ് പ്രയോജനങ്ങള്‍; എങ്ങനെ ഡൗൺലോഡ് ചെയ്‌ത് ഉപയോഗിക്കാം?

ദില്ലി: യുണിക് ഐഡന്‍റിഫിക്കേഷൻ അതോറിറ്റി ഓഫ് ഇന്ത്യ (UIDAI) പുറത്തിറക്കുന്ന പേപ്പർലെസ് ആധാർ അല്ലെങ്കിൽ ഓഫ് ലൈൻ ഇ-കെവൈസി ആധാർ ഉപയോക്താക്കൾക്ക് നമ്പറും ബയോമെട്രിക്‌സും പങ്കുവെക്കാതെ സുരക്ഷിതമായി ഐഡന്‍റിറ്റി സ്ഥിരീകരിക്കാനുള്ള സൗകര്യമാണ്. പേപ്പർലെസ് ആധാർ ഒരു ഡിജിറ്റലി സൈൻ ചെയ്‌ത എക്‌സ്‌എംഎൽ ഫയലാണ്. അതിൽ പേര്, വിലാസം, ജനനതീയതി, ഫോട്ടോ, മൊബൈൽ നമ്പർ, ഇമെയിൽ, കൂടാതെ അവസാന നാല് അക്കങ്ങൾ അടങ്ങിയ റഫറൻസ് ഐഡി തുടങ്ങിയവ ഉൾപ്പെടുന്നു. ഈ ഫയൽ ഓഫ് ലൈൻ പരിശോധനയ്ക്ക് ഉപയോഗിക്കാവുന്നതാണ്. ആധാർ നമ്പർ ശേഖരിക്കുകയോ സൂക്ഷിക്കുകയോ ചെയ്യാതെ തന്നെ സേവനദാതാക്കൾക്കും/ഓഫ്‌ലൈൻ വെരിഫിക്കേഷൻ സീക്കിംഗ് എന്‍റിറ്റി (ഒവിഎസ്ഇ)ക്കും ഓഫ്‌ലൈൻ ആധാർ സ്ഥിരീകരണ സൗകര്യം ഇത് നൽകും. ഇതാ പേപ്പർരഹിത ആധാറിനെക്കുറിച്ച് അറിയേണ്ടതെല്ലാം.

പേപ്പർലെസ് ആധാർ എങ്ങനെ ഡൗൺലോഡ് ചെയ്യാം?

1. ആദ്യം യുഐഡിഎഐയുടെ ഔദ്യോഗിക വെബ്‌സൈറ്റിലേക്ക് (uidai.gov.in) പോകുക.

2. ഇതിനുശേഷം ആധാർ പേപ്പർലെസ് ഓഫ്‌ലൈൻ ഇ-കെവൈസി വിഭാഗത്തിലേക്ക് പോകുക.

Related Articles

3. 'ആധാർ നമ്പർ' അല്ലെങ്കിൽ 'വിഐഡി' നൽകി സ്‌ക്രീനിൽ സൂചിപ്പിച്ചിരിക്കുന്ന 'സെക്യൂരിറ്റി കോഡ്' നൽകുക. തുടർന്ന് 'സെൻഡ് ഒടിപി' ക്ലിക്ക് ചെയ്യുക. നൽകിയിരിക്കുന്ന ആധാർ നമ്പറിനോ വിഐഡിയ്ക്കോ വേണ്ടി രജിസ്റ്റർ ചെയ്‌ത മൊബൈൽ നമ്പറിലേക്ക് ഒടിപി അയയ്ക്കും. യുഐഡിഎഐയുടെ എം-ആധാർ മൊബൈൽ ആപ്ലിക്കേഷനിൽ ഒടിപി ലഭ്യമാകും. ലഭിച്ച ഒടിപി നൽകുക. പിൻ ഫയലിന്‍റെ പാസ്‌വേഡായ ഒരു ഷെയർ കോഡ് നൽകി 'ഡൗൺലോഡ്' ബട്ടണിൽ ക്ലിക്ക് ചെയ്യുക.

4. മുകളിൽ സൂചിപ്പിച്ച ഘട്ടങ്ങൾ പൂർത്തിയാക്കിയ ഡിവൈസിലേക്ക് ഡിജിറ്റൽ സൈനോടുകൂടിയ എക്സ്എംഎൽ അടങ്ങിയ സിപ്പ് ഫയൽ ഡൗൺലോഡ് ചെയ്യപ്പെടും.

5. ഓഫ്‌ലൈൻ ആധാർ എക്‌സ്എംഎൽ, എംആധാർ ആപ്പിൽ നിന്നും ഡൗൺലോഡ് ചെയ്യാവുന്നതാണ്

പേപ്പർ രഹിത ആധാർ എങ്ങനെ ഉപയോഗിക്കാം?

1. ഡൗൺലോഡ് ചെയ്‌ത എക്‌സ്‌എംഎൽ ഫയൽ സേവന ദാതാവുമായി പങ്കിടുക

2. ഡൗൺലോഡ് സമയത്ത് നിങ്ങൾ സജ്ജമാക്കിയ ഷെയർ കോഡ് നൽകുക

3. നിങ്ങളുടെ ആധാർ നമ്പറോ ബയോമെട്രിക്‌സോ ആക്‌സസ് ചെയ്യാതെ തന്നെ ദാതാവിന് നിങ്ങളുടെ ഐഡന്‍റിറ്റി ഓഫ്‌ലൈനായി പരിശോധിക്കാൻ കഴിയും

4. ബാങ്കിംഗ്, സിം കാർഡ് വിതരണം, മറ്റ് സേവനങ്ങൾ എന്നിവയിലെ കെവൈസി പ്രക്രിയകൾക്കും പേപ്പര്‍ലെസ് ആധാര്‍ ഉപയോഗപ്രദമാണ്.