ആപ്പിൾ വാലന്‍റൈൻസ് ഡേ സെയിൽ തുടങ്ങി; ഐഫോൺ 17 സീരീസിന് വന്‍ വിലക്കുറവ്

ആപ്പിളിന്‍റെ ഔദ്യോഗിക വെബ്‌സൈറ്റിൽ പ്രണയ ദിന സെയിൽ ആരംഭിച്ചുകഴിഞ്ഞു. ഐസിഐസിഐ, ആക്‌സിസ് ബാങ്ക്, അമേരിക്കൻ എക്‌സ്‌പ്രസ് കാർഡുകൾ ഉപയോഗിക്കുന്ന ഉപഭോക്താക്കൾക്ക് ഇൻസ്റ്റന്‍റ് ബാങ്ക് ക്യാഷ്ബാക്ക് ഉൾപ്പെടെ നിരവധി ആനുകൂല്യങ്ങൾ ലഭിക്കും. വാലന്‍റൈൻസ് വാരാഘോഷം പുരോഗമിക്കുന്നതിനാൽ സ്വന്തം ഉപയോഗത്തിനോ പ്രിയപ്പെട്ടവർക്കോ പുതിയ ഫോൺ സമ്മാനിക്കാനുള്ള മികച്ച അവസരമാണിത്. സീസണൽ ക്രെഡിറ്റ് കാർഡ് ഓഫറുകൾ ഉപയോഗിച്ച് ഉപഭോക്താക്കൾക്ക് കൂടുതൽ ലാഭം നേടാനാകും.

ഐഫോൺ 17 ഇപ്പോൾ 77,900 രൂപയ്ക്ക് ലഭ്യമാണ്. ഇതിൽ 5,000 രൂപയുടെ ഇൻസ്റ്റന്‍റ് ബാങ്ക് ക്യാഷ്ബാക്ക് ഉൾപ്പെടുത്തിയിരിക്കുന്നു.

ഐഫോൺ 17 പ്രോ 1,29,900 രൂപ എന്ന വിലയ്ക്കാണ് ലഭിക്കുന്നത്. ഇതിലും 5,000 രൂപ ഇൻസ്റ്റന്‍റ് ക്യാഷ്ബാക്ക് ലഭിക്കും.

ഐഫോൺ 17 പ്രോ മാക്‌സ് 1,44,900 എന്ന വിലയ്ക്ക് ലഭ്യമാണ്. ഇതിലും 5,000 രൂപയുടെ ക്യാഷ്ബാക്ക് ഓഫർ ഉൾപ്പെടുത്തിയിട്ടുണ്ട്.

ഓഫർ പ്രയോജനപ്പെടുത്താൻ ഉപഭോക്താക്കൾ ആപ്പിള്‍ വെബ്‌സൈറ്റില്‍ ചെക്ക്ഔട്ടിനിടെ യോഗ്യമായ ബാങ്ക് കാർഡ് തിരഞ്ഞെടുക്കണം. ക്യാഷ്ബാക്ക് തുക ഉടൻ തന്നെ വിലയിൽ നിന്ന് കുറയ്ക്കപ്പെടും. അതുവഴി ഫോണിന്‍റെ നിലവിൽ രേഖപ്പെടുത്തിയിരിക്കുന്ന വില കുറയും.

ഐഫോൺ 17-ൽ 6.3 ഇഞ്ച് സൂപ്പർ റെറ്റിന എക്‌ഡിആര്‍ ഒഎൽഇഡി ഡിസ്പ്ലേ, 120 ഹെര്‍ട്‌സ് വരെ പ്രൊമോഷൻ സപ്പോർട്ട്, ഡൈനാമിക് ഐലൻഡ്, ഓൾവേസ്-ഓൺ ഡിസ്പ്ലേ എന്നിവ ഉൾപ്പെടുത്തിയിരിക്കുന്നു. എ19 ചിപ്പ്, 8 ജിബി റാം, 256 ജിബി അല്ലെങ്കിൽ 512 ജിബി സ്റ്റോറേജ് ഓപ്ഷനുകൾ എന്നിവയാണ് മറ്റ് സവിശേഷതകൾ. 48 എംപി ഡ്യുവൽ ഫ്യൂഷൻ ക്യാമറ സംവിധാനവും 10എക്‌സ് ഡിജിറ്റൽ സൂമും ഫോണിനുണ്ട്.

ഐഫോൺ 17 പ്രോ-യിൽ 6.3 ഇഞ്ച് എൽടിപിഒ സൂപ്പർ റെറ്റിന എക്‌സ്‌ഡിആര്‍ ഡിസ്പ്ലേയും 120 ഹെര്‍ട്‌സ് പ്രൊമോഷൻ സപ്പോർട്ടും ലഭ്യമാണ്. എ19 പ്രോ ചിപ്പ്, 6-കോർ സിപിയു, 6-കോർ ജിപിയു, 16-കോർ ന്യൂറൽ എഞ്ചിൻ, 12 ജിബി റാം എന്നിവയാണ് പ്രധാന സവിശേഷതകൾ.

ഐഫോൺ 17 പ്രോ മാക്‌സ് 6.9 ഇഞ്ച് എൽടിപിഒ സൂപ്പർ റെറ്റിന എക്‌സ്‌ഡിആര്‍ ഡിസ്പ്ലേയോടുകൂടിയതാണ്. 3000 നിറ്റ്സ് പരമാവധി ബ്രൈറ്റ്‌നസ്, 120 ഹെര്‍ട്‌സ് റിഫ്രഷ് റേറ്റ്, ഓൾവേസ്-ഓൺ ഫീച്ചർ എന്നിവ ഇതിലുണ്ട്. എ19 പ്രോ ചിപ്പ്, 12 ജിബി റാം, ലിഡാർ സപ്പോർട്ടുള്ള ട്രിപ്പിൾ ക്യാമറ സംവിധാനം, 5എക്‌സ് ടെലിഫോട്ടോ സൂം, 8കെ വീഡിയോ റെക്കോർഡിംഗ്, 5000 എംഎഎച്ച് ബാറ്ററി എന്നിവയും ഉൾപ്പെടുന്നു.

ഐഫോൺ 17 സീരീസിന് പുറമെ ഐപാഡുകൾ, എയർപോഡ്‍സ്, ആപ്പിൾ വാച്ച് എന്നിവയ്‌ക്കൊപ്പം മാക്ബുക്ക് എയർ മോഡലുകളിലും ആപ്പിൾ പ്രത്യേക വിലക്കുറവ് പ്രഖ്യാപിച്ചിട്ടുണ്ട്.