ഒരു പ്രണയ ആൽബം എന്നതിലുപരി ജീവിതത്തിൽ രണ്ടുപേർ ഒന്നിച്ചു ചേരുമ്പോൾ ഉണ്ടാകുന്ന സാമൂഹിക പ്രസക്തിയുള്ള ഒരു വിഷയത്തെ അവതരിപ്പിക്കുന്ന ഗാനം
നാറ്റോ ദി ആര്ട്ടിസ്റ്റ് എഴുതി, സംഗീതം ഒരുക്കി സംവിധാനം ചെയ്ത ബ്ലഡ് ആന്ഡ് ബോണ്സ് എന്ന ഇംഗ്ലീഷ് മ്യൂസിക്കൽ വീഡിയോ സോഷ്യൽ മീഡിയയിൽ വൈറലാകുന്നു. നേഹ തോമര് എന്ന നാറ്റോ ഗായിക, സംഗീത സംവിധായിക, എഴുത്തുകാരി, സംവിധായിക എന്നീ നിലകളിൽ ശ്രദ്ധ നേടിയ കലാകാരിയാണ്. പ്രണയത്തിന്റെ പശ്ചാത്തലത്തിൽ ഒരുക്കിയിരിക്കുന്ന ഈ മനോഹര ഗാനം പ്രണയത്തെ ഗ്ലാമറാക്കാതെ, വിവാഹ ജീവിതത്തിലെ യാഥാർത്ഥ്യങ്ങളും വികാര സംഘർഷങ്ങളും തുറന്നുകാട്ടുന്ന രീതിയിലാണ് ഒരുക്കിയിരിക്കുന്നത്.
ഒരു പ്രണയ ആൽബം എന്നതിലുപരി ജീവിതത്തിൽ രണ്ടുപേർ ഒന്നിച്ചു ചേരുമ്പോൾ ഉണ്ടാകുന്ന സാമൂഹിക പ്രസക്തിയുള്ള ഒരു വിഷയത്തെ മികച്ച രീതിയിൽ മനോഹരമായ മ്യൂസിക്കും വിഷ്വൽസും കോർത്തിണക്കിക്കൊണ്ട് അവതരിപ്പിച്ചിരിക്കുകയാണ് ബ്ലഡ് ആന്ഡ് ബോണ്സ്. അതുകൊണ്ട് തന്നെ ഈ വർഷത്തെ ഏറെ ശ്രദ്ധിക്കപ്പെട്ട ആൽബങ്ങളിലൊന്നായി ഇത് മാറുന്നു. ഒരു സിനിമാറ്റിക് എക്സ്പീരിയൻസ് ആണ് ഈ പാട്ട് കാണുമ്പോൾ പ്രേക്ഷകർക്ക് ഫീൽ ചെയ്യുക. അതുകൊണ്ടുതന്നെ നേഹയുടെ സിനിമാ രംഗത്തേക്കുള്ള അരങ്ങേറ്റത്തിനായി അധികം കാത്തിരിക്കേണ്ടി വരില്ലെന്നും കരുതാം.
