സാമ്പത്തിക ലോകത്തെ ഏറ്റവും പുതിയ വാർത്തകൾ

പശ്ചിമേഷ്യയിൽ തുടരുന്ന യുദ്ധം രാജസ്ഥാനിലെ ലോകപ്രശസ്തമായ സോജത്ത് മൈലാഞ്ചി വ്യവസായത്തെ ഗുരുതരമായി ബാധിക്കുന്നു. കയറ്റുമതി നിലച്ചതോടെ കോടിക്കണക്കിന് രൂപയുടെ ഉൽപ്പന്നങ്ങൾ തുറമുഖങ്ങളിൽ കെട്ടിക്കിടക്കുകയും ഉത്പാദനം 80% വരെ കുറയുകയും ചെയ്തു. ദുബായ് വഴിയുള്ള പ്രധാന ചരക്ക് നീക്കം തടസ്സപ്പെട്ടതാണ് ഈ അഭൂതപൂർവമായ പ്രതിസന്ധിക്ക് കാരണം.

യുഎഇക്ക് അത്യാധുനിക ആയുധങ്ങള്‍ എത്തിക്കാന്‍ ട്രംപിന്റെ മക്കൾക്ക് നിക്ഷേപമുള്ള 'പവർഅസ്' എന്ന കമ്പനി. ഇറാൻ നിർമ്മിത ഡ്രോണുകളിൽ നിന്ന് എണ്ണ സംഭരണ ശാലകളെയും ഡാറ്റാ സെന്ററുകളെയും സംരക്ഷിക്കുകയാണ് ലക്ഷ്യം. ഈ ആയുധക്കച്ചവടം അമേരിക്കയിൽ രാഷ്ട്രീയ വിവാദങ്ങൾക്ക് വഴിവെച്ചിട്ടുണ്ട്.

2025-26 സാമ്പത്തിക വര്‍ഷത്തില്‍ ഇന്ത്യയുടെ പ്രതിരോധ കയറ്റുമതി 38,424 കോടി രൂപ എന്ന സര്‍വകാല റെക്കോര്‍ഡിലെത്തി. ഇത് മുന്‍വര്‍ഷത്തെ അപേക്ഷിച്ച് 62.66% വര്‍ധനവാണ്. പൊതുമേഖലാ സ്ഥാപനങ്ങളുടെ വന്‍ മുന്നേറ്റവും സര്‍ക്കാര്‍ നടപ്പിലാക്കിയ ലളിതമായ നടപടിക്രമങ്ങളുമാണ് ഈ ചരിത്രനേട്ടത്തിന് പിന്നില്‍.

ഡോളറിനെതിരെ 12 വര്‍ഷത്തിനിടയിലെ ഏറ്റവും വലിയ ഒറ്റ ദിന മുന്നേറ്റം നടത്തി ഇന്ത്യന്‍ രൂപ. റിസര്‍വ് ബാങ്ക് ഏര്‍പ്പെടുത്തിയ കര്‍ശന നിയന്ത്രണങ്ങളാണ് ഈ കുതിപ്പിന് പ്രധാന കാരണം. എന്നാല്‍, ഇറാന്‍ യുദ്ധത്തെ തുടര്‍ന്ന് ക്രൂഡ് ഓയില്‍ വില ഉയരുന്നത് രൂപയുടെ തുടര്‍ന്നുള്ള മുന്നേറ്റത്തിന് വെല്ലുവിളിയാകുന്നുണ്ട്.

കേരളമുള്‍പ്പെടെയുള്ള സംസ്ഥാനങ്ങളില്‍ കനത്ത വേനല്‍ച്ചൂടും ഐ.പി.എല്‍ പോലുള്ള ക്രിക്കറ്റ് മത്സരങ്ങളും ബിയര്‍ വിപണിയില്‍ വന്‍ കുതിപ്പിന് കാരണമായിരിക്കുന്നു. വീട്ടിലിരുന്ന് കളി കാണുന്നവരുടെ എണ്ണം വർധിച്ചതോടെ, കാനുകളിലുള്ള ബിയറുകള്‍ക്കും പ്രീമിയം ബ്രാന്‍ഡുകള്‍ക്കും ആവശ്യക്കാര്‍ ഏറിയിട്ടുണ്ട്

പശ്ചിമേഷ്യയിലെ സംഘർഷങ്ങളെ തുടർന്ന് ഇന്ത്യൻ ഓയിൽ കോർപറേഷൻ പ്രീമിയം പെട്രോളിനും ഡീസലിനും വില വർധിപ്പിച്ചു. ഇതോടൊപ്പം വിമാന ഇന്ധനത്തിന്റെ വിലയും ചരിത്രത്തിലെ ഏറ്റവും ഉയർന്ന നിലയിലേക്ക് കുതിച്ചുയർന്നു. സാധാരണ ഇന്ധനവിലയിൽ മാറ്റമില്ലെങ്കിലും വരും ദിവസങ്ങളിൽ വർധനയുണ്ടായേക്കാമെന്ന് റിപ്പോർട്ടുകൾ സൂചിപ്പിക്കുന്നു.

സംസ്ഥാനത്ത് സ്വർണ്ണവിലയിൽ വീണ്ടും വർദ്ധനവ് രേഖപ്പെടുത്തി. മാർച്ച് 31-ലെ പുതിയ നിരക്ക് പ്രകാരം 22 കാരറ്റ് സ്വർണ്ണത്തിന് ഗ്രാമിന് 75 രൂപ വർദ്ധിച്ച് ഒരു പവന് 1,09,640 രൂപയായി. അന്താരാഷ്ട്ര വിപണിയിലെ അസ്ഥിരതയാണ് വിലവർദ്ധനവിന് പ്രധാന കാരണം.

ബിറ്റ്‌കോയിനും ഡിപ്ലോമസിയും ചേര്‍ത്തുവെച്ച ഈ പുതിയ തന്ത്രത്തിന് പിന്നില്‍ 35 വയസ്സുകാരനായ ഒരു യുവാവാണ്. പേര് ബിലാല്‍ ബിന്‍ സാഖിബ്. വെറുമൊരു ക്രിപ്‌റ്റോ ഇടപാടുകാരനല്ല ബിലാല്‍.

ആഗോളതലത്തില്‍ അലുമിനിയം വിതരണത്തില്‍ തടസ്സം നേരിടുന്നത് ഇന്ത്യയിലെ പ്രാഥമിക ഉല്‍പ്പാദകര്‍ക്ക് ഗുണകരമാകുമെന്നാണ് ഐസിഐസിഐ സെക്യൂരിറ്റീസ് റിപ്പോര്‍ട്ട്

ഇറാന്‍ യുദ്ധം പശ്ചിമേഷ്യയില്‍ സൃഷ്ടിച്ച അശാന്തി ഇന്ത്യയിലെ മദ്യവിപണിയെ പ്രതികൂലമായി ബാധിക്കുന്നു. ഗ്യാസ് ക്ഷാമവും അസംസ്‌കൃത വസ്തുക്കളുടെ വിലക്കയറ്റവും മൂലം ബിയര്‍ വിലയില്‍ 12 മുതല്‍ 15 ശതമാനം വരെ വര്‍ദ്ധനവ് ഉണ്ടായേക്കാമെന്ന് പ്രമുഖ ബിയര്‍ കമ്പനികള്‍ മുന്നറിയിപ്പ് നല്‍കുന്നു.