വൃക്കയിലെ കല്ലുകളെ തടയാൻ നിർബന്ധമായും ചെയ്യേണ്ട 7 കാര്യങ്ങൾ
എല്ലാ പ്രായക്കാരിലും വരാൻ സാധ്യതയുള്ള ഒന്നാണ് വൃക്കയിലെ കല്ല്. പല കാരണങ്ങൾ കൊണ്ടും ഇത് വരാറുണ്ട്. ലക്ഷണങ്ങൾ നേരത്തെ തിരിച്ചറിഞ്ഞാൽ ചികിത്സയും എളുപ്പമാകുന്നു. വൃക്കയിൽ കല്ലുകൾ വരുന്നത് തടയാൻ ചെയ്യേണ്ട കാര്യങ്ങൾ ഇതാണ്.
വെള്ളം കുടിക്കുക
ധാരാളം വെള്ളം കുടിക്കുന്നത് വൃക്കയിൽ കല്ലുകൾ ഉണ്ടാവുന്നതിനെ തടയുന്നു. ദിവസവും കുറഞ്ഞത് 3 ലിറ്റർ വെള്ളമെങ്കിലും കുടിച്ചിരിക്കണം.
ഉപ്പിന്റെ ഉപയോഗം കുറയ്ക്കാം
പുറത്തുനിന്നും വാങ്ങുന്ന ഭക്ഷണങ്ങൾ ഒഴിവാക്കുകയും ഉപ്പിന്റെ ഉപയോഗം കുറയ്ക്കുകയും ചെയ്യണം. ഇത് വൃക്കയിൽ കല്ല് വരുന്നതിനെ തടയുന്നു.
ഓക്സലേറ്റ് അടങ്ങിയ ഭക്ഷണങ്ങൾ ഒഴിവാക്കാം
ചീര, ബീറ്റ്റൂട്ട്, നട്സ്, ചോക്ലേറ്റ്, ചായ, ഉരുളക്കിഴങ് തുടങ്ങിയവയിൽ ഉയർന്ന അളവിൽ ഓക്സലേറ്റ് അടങ്ങിയിട്ടുണ്ട്. ഈ ഭക്ഷണങ്ങൾ ഒഴിവാക്കാം.
മധുരമുള്ളതും കാർബണേറ്റഡ് പാനീയങ്ങളും കുറയ്ക്കുക
കുപ്പിയിലുള്ള ജ്യൂസ്, കാർബണേറ്റഡ് പാനീയങ്ങൾ എന്നിവയുടെ ഉപയോഗം കുറയ്ക്കാൻ ശ്രദ്ധിക്കണം. പകരം ശുദ്ധമായ വെള്ളം, തേങ്ങാവെള്ളം എന്നിവ കുടിക്കാം.
സിട്രസ് പഴങ്ങൾ കഴിക്കാം
നാരങ്ങ, ഓറഞ്ച്, മുന്തിരി തുടങ്ങിയ സിട്രസ് പഴങ്ങൾ കഴിക്കുന്നത് വൃക്കയിൽ കല്ലുകൾ ഉണ്ടാവുന്നതിനെ തടയുന്നു.
ശരീരഭാരം നിയന്ത്രിക്കാം
പൊണ്ണത്തടി ഉണ്ടാവുന്നത് വൃക്കയിൽ കല്ലുകൾ വരാൻ കാരണമാകുന്നു. ദിവസവും വ്യായാമങ്ങൾ ചെയ്യുന്നത് ശരീരഭാരം നിയന്ത്രിക്കാൻ സഹായിക്കും.
പ്രോട്ടീൻ അടങ്ങിയ ഭക്ഷണങ്ങൾ അമിതമാകരുത്
കൃത്യമായ അളവിൽ പ്രോട്ടീൻ ഭക്ഷണങ്ങൾ കഴിക്കാൻ ശ്രദ്ധിക്കണം. ശരീരത്തിൽ പ്രോട്ടീന്റെ അളവ് കൂടുന്നത് വൃക്കയിൽ കല്ലുണ്ടാവാൻ കാരണമാകുന്നു.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
