ഇന്ത്യ: ഇന്നത്തെ പ്രധാന സംഭവവികാസങ്ങൾ

കർണാടകയിൽ മന്ത്രിസഭാ പുനഃസംഘടന വൈകുന്നതിൽ പ്രതിഷേധിച്ച് 30 കോൺഗ്രസ് എംഎൽഎമാർ ദില്ലിയിലെത്തി. മന്ത്രിസ്ഥാനം ആവശ്യപ്പെട്ട് ഹൈക്കമാൻഡിന് മേൽ സമ്മർദ്ദം ചെലുത്തുകയാണ് ഇവരുടെ ലക്ഷ്യം. ഇതുവരെ അവസരം ലഭിക്കാത്തവർക്ക് മന്ത്രിസ്ഥാനം നൽകണമെന്ന് എംഎൽഎമാർ ആവശ്യപ്പെടുന്നു.

ഹരിയാന സർക്കാർ മിനിമം വേതനം നടപ്പാക്കാൻ തീരുമാനിച്ചതിന് പിന്നാലെയാണ് നോയിഡയിലെ തൊഴിലാളികൾ വേതനം വർദ്ധിപ്പിക്കണമെന്നാവശ്യപ്പെട്ട് രം​ഗത്തെത്തിയത്. തൊഴിലാളികളിൽ ഭൂരിഭാഗവും പ്രതിമാസം 15,000 രൂപയിൽ താഴെ വരുമാനം മാത്രമാണ് ലഭിക്കുന്നതെന്നും ഈ തുക കൊണ്ട് എങ്ങനെ ജീവിതം മുന്നോട്ട് കൊണ്ടുപോകുമെന്നും ചോദ്യം ഉയർത്തിയിരുന്നു.

മദ്യനയ അഴിമതിക്കേസിലെ സിബിഐ അപ്പീലിൽ, ദില്ലി ഹൈക്കോടതി ജഡ്ജി സ്വർണ്ണ കാന്ത ശർമ്മ പിന്മാറണമെന്ന് അരവിന്ദ് കെജ്രിവാൾ ആവശ്യപ്പെട്ടു. ജഡ്ജിക്ക് മുന്നിൽ നേരിട്ട് ഹാജരായി വാദിച്ച കെജ്രിവാൾ, ജഡ്ജിയുടെ ഉത്തരവുകളിലും ആർഎസ്എസ് ബന്ധമുള്ള 4 പരിപാടികളിലെ പങ്കാളിത്തവും ചോദ്യം ചെയ്തു

സംഭവ ദിവസം നായ ഗോപിയുടെ ഭാര്യക്ക് നേരെ കുരച്ചതാണ് പ്രശ്നങ്ങളുടെ തുടക്കം. ഇതിനെ ചൊല്ലി ഇരു വീട്ടുകാരും തമ്മിൽ വഴക്കുണ്ടായിരുന്നു. ഇതിന് പിന്നാലെയാണ് ഗോപി നായയെ ക്രൂരമായി തല്ലിയത്.

പശ്ചിമ ബംഗാളിലെ എസ്ഐആർ കേസുമായി ബന്ധപ്പെട്ട്, ഒരു മണ്ഡലത്തിലെ ഭൂരിപക്ഷം വോട്ടർപട്ടികയിൽ നിന്ന് ഒഴിവാക്കപ്പെട്ടവരുടെ എണ്ണത്തേക്കാൾ കുറവാണെങ്കിൽ മാത്രമേ ഫലത്തിൽ ഇടപെടൂ എന്ന് സുപ്രീംകോടതി വ്യക്തമാക്കി. തെരഞ്ഞെടുപ്പ് പ്രക്രിയ തടസ്സപ്പെടുത്തരുതെന്നും ജുഡിഷ്യൽ ഉദ്യോഗസ്ഥരുടെ സുരക്ഷ തിരഞ്ഞെടുപ്പിന് ശേഷവും തുടരണമെന്നും കോടതി നിർദ്ദേശിച്ചു.

ഉത്തർപ്രദേശിലെ നോയിഡയിൽ ശമ്പള വർധനവും എട്ട് മണിക്കൂർ ജോലിയും ആവശ്യപ്പെട്ട് നൂറുകണക്കിന് തൊഴിലാളികൾ തെരുവിലിറങ്ങി. പ്രതിഷേധം അക്രമാസക്തമാവുകയും പ്രതിഷേധക്കാർ വാഹനങ്ങൾക്ക് തീയിടുകയും പോലീസുമായി ഏറ്റുമുട്ടുകയും ചെയ്തു. പ്രതിമാസം 20,000 രൂപ മിനിമം വേതനം വേണമെന്നാണ് തൊഴിലാളികളുടെ പ്രധാന ആവശ്യം.

തമിഴ്‌നാട് നിയമസഭാ തെരഞ്ഞെടുപ്പ് പ്രചാരണത്തിൽ നിന്ന് രാഹുൽ ഗാന്ധി വിട്ടുനിൽക്കുന്നത് ഡിഎംകെ സഖ്യത്തിൽ ആശങ്കയുണ്ടാക്കുന്നു. സീറ്റ് വിഭജനത്തിലെ തർക്കങ്ങളാണ് ഇതിന് കാരണമെന്ന് സൂചനകളുള്ളപ്പോൾ, പ്രധാനമന്ത്രി മോദി എൻഡിഎയ്ക്കായി സജീവമായി പ്രചാരണം നടത്തുകയാണ്. 

ശമ്പളവർദ്ധനവുമായി ബന്ധപ്പെട്ട തർക്കങ്ങളെ തുടർന്ന് നോയിഡയിലും ഗ്രേറ്റർ നോയിഡയിലും തൊഴിലാളികളുടെ പ്രതിഷേധം അക്രമാസക്തമായി. വാഹനങ്ങൾക്കും കെട്ടിടങ്ങൾക്കും തീയിട്ട പ്രതിഷേധക്കാർ പൊലീസുമായി ഏറ്റുമുട്ടി. 

തമിഴ്‌നാട്ടിലെ തിരഞ്ഞെടുപ്പ് പ്രചാരണത്തിനായി തമിഴക വെട്രി കഴകം ദളപതി വിജയ്‍യുടെ ഹോളോഗ്രാഫിക് എഐ രൂപം ഉപയോഗിച്ചു. സ്ഥാനാർത്ഥിക്കൊപ്പം വിജയ് ശരിക്കും ഉണ്ടെന്ന് തോന്നിപ്പിക്കുന്ന ഈ സാങ്കേതികവിദ്യ, എഐ വഴി പുനർനിർമ്മിച്ച ശബ്ദത്തോടെ ജനങ്ങളെ അഭിസംബോധന ചെയ്തു.  

മഥുരയിൽ യമുനാ നദിയിൽ ബോട്ട് മറിഞ്ഞുണ്ടായ അപകടത്തിൽ മരണം 14 ആയി. തിങ്കളാഴ്ച ഒരു സ്ത്രീയുടെ മൃതദേഹം കൂടി കണ്ടെത്തിയിട്ടുണ്ട്. കാണാതായ 6 പേരിൽ 4 പേരുടെ മൃതദേഹങ്ങൾ ഇതുവരെ കണ്ടെത്തി.